Tebur 10 ozü kima mejanger: Jennifer Lawrence

May 27, 2016: Actress Jennifer Lawrence-i, la noksa tangoktsü atema la ataa lar kima tebur ter shi mejanger, ta ashi.
‘X-Men: Apocalypse’ nung shilem agila arishi küm 25 Jennifer-i ashiba agi, lar kima kishizüng nung la noksa tangoktsü atema kasa nisungtem aliba ajanga la saaktsü asaker, ajisüaka lai iba indangji ken o mebenokner, kechiyong nisungtemi la nüngtugu akümbaji lai maginer ama bilemtsü, ta Female First osang ajanga metetdaktsü.
“Tebur 10 shi ozü kima mejanger aser ni anepdang shia parnok angubaji jangratemtsükabo masü. Ni iba indangji kasa tebilemtsü ajurur tangar actor tem dena lemsateper, ajisüaka iba atema onoki ken o mebenokner, kechiyong onoki aji oda inyakra  ‘Ola tadok, millionaire tem’ ta ahiba den ‘Na kanga tia kar,” ta ashitsü,” ta Jennifer Lawrence-i ashi.
“Atangji onok tia taka, ajisüaka kü noksa kümzüka ayutsüji temeten lir. Ni film nung, mesüra shilem ka agidang mesüra movie ka ajungkettsüba mapang nungang ni tangar nem reprangdaktsüner,” ta laisa ashi.
Jennifer Shrader Lawrence ya American actress ka lir aser lai mezüng television nung shilem agia tenzük.
Lai mezüng TBS sitcom The Bill Engvall Show nung shilekm agia liasü.
Lai kanga shilem agia aliba film rongnung ‘Ten Hunger Games’, ‘Silver Linings Playbook’, ‘Winter’s Bone’, ‘Like Crazy’, ‘The Beaaver’ aser American Hustle film tem densema lir.