Shillong, October 17 (Agencies): Kanga tesüngmangtsü tatalokba ka nung, Hombar aonung Meghalaya yimtiba, Shillong nung aliba Presbyterian Church nungi “Bible man” ka dak tebur pongi tim masüba maksütsü mapa inyak.
The Shillong Times osang ajanga ashiba agi, “Bible man” ji par kinünger ka semdangtsü asoshi mozü kidangi aoba mapang tebur pongui pa apu aser taxi ka nung anir oa pa dak maksütsü mapa inyak.
“Taxi nung mena alir nisung pongu jagi pa Mawlai Mawroh nung aliba Police Training School anasa arem kati anir aoba sülen pa süoshi semzükja pa dak maksütsü mapa inyak,” ta Shillong Times osang ajanga ashi.
Iba tatalokba sülen aibelener pongu jagi iba tesemji toktsü. Iba sülen tambusang jagi pa kinüngtsü dang phone süa iba tatalokbaji ashi. Kobi melii kiyongertemi pa bushi tenzük aser ayaterm mapang pa süchia orr anguba sülen mozü kidangi anir ao.
Iba tatalokba dak sentakba nung nisung ponguji anema ken o benokogo, ajisüaka tang tashi nung aibelener ka dang mapu.
You must be logged in to post a comment Login