Tebur ka amoa orr lia per ka kolak ngozük

Indore, September 10 (Agencies) : Nisungi bilemdangtsü makokba tesüngmangtsü tatalokba ka nung, tebur ka amoa orr lia per ka pa tebangi juoka aitba agi per kolakji ngozük, ta Times of India osangkaket ajanga sangdong.
Vinod Raghuvanshi ya kanga sümanga amoa orr liasü aser pai pa bang nung per feet ka ser tesadang alibaji memetet.
Ajak toktsür pai amoa orr lia iba per kolak ngozükbajia memetet! Tananep tetsü pa takdangi aidang jabaso tejak nung azü ngua aoksar ola adok dangang pai metet. Per temangji ano atem nungjisa juzüa liasü.
Indangjisa Kulkarni Ka Bhatta, Indore nung alisang Raghuvanshi mozü kidangi anir oa anti-venom tutsü. Pa kanga junga lir.
Ibai September 8, 2016 aonung atalok. Raghuvanshi ya petrol pump ka nung inyaker aser anüngdang kanga anibelema inyaker aruba ajanga kanga sümanga amoa ao.
Tetsü Rampyari,-i, “Ni pa tejak nung azü angu aser per tekolak mali ka atema nung jutena liasü. Pai kü dang pa tebangi langka aiter amai asüba agi ango ta ashi. Ni kanga aoksa aser pa ‘Peer Baba’ dangi anir oa pai angutsüba powder achiba sülen per tekolakji saktsütet,” ta ashiba Times of India osang kaket nung metetdaktsü.
Taküm küm tetenzüklena Jharkhand nung nisung kati per ka ngosetba otsü lir. Iba per ngoseter gondha 12 tsüngda nung pa-a asü. Ano küm asem tejakdanga Nepal nunger ka dak alu nung inyaka lia maküm per kati mechiba agi pai iba perji mejakseta südaktsü. Pabo masü kümzük.