Technical Education Dept-i Diploma entrance tatidang osang sangdongogo

Kohima, Monupii/May 05 (TYO): Technical Education Director, Er. Arjun Singh-i sangdong ka ajanga, Declaration of Diploma Entrance Examination Result Committee-i benokba nung ajemdaker state nung Diploma course balala atema candidates tenüng sangdongogo, ta metetdaktsü.
HSLCE Marksheet sayuba ajanga selection ji regularize asütsü mesüra result atar candidates atema nüngdakba criteria abensaba ajanga asütsü.
NBSE HSLC Examination sangdongba sülen anogo tenetnü (7) tsüngda item candidates-i HSLCE Marksheet den ‘Acceptance Letter’ Directorate of Technical Education nem agutsütsüla; anogo tenetnü tsüngda magutsüra ibaji ‘Non- acceptance’ ta züngshitsü aser seat magutsütsü, ta sangdong nung shia lir.
Ano HSLCE Marksheet agüja alir candidates-i Monupii (May) 14 nungi 19 tsüngda ‘Acceptance Letter’ Directorate nung agutsütsüla.
Committee-isa shimba candidates nem seats tazüng agutsütsü lemtet saka study course melemzüktsü.
Backward Tribes atema mekazüka aliba seats ji iba category nung candidates nem tribe kecha tebendang makai Merit nung ajemdaker agutsütsü. Backward Tribes nungi candidate melira tangar nem merit nung ajemdaker agutsütsü committee-i lemtet.
Ano mekazüka maliba seats ji merit aser selection tanabuba shilem nung ajemdaker candidates-i fill up asutsü.
Selection tanabuba shilemji mezüngbuba shilem tembanger sülen ang tenzüktsü. Mezüngbuba shilem maparenji NBSE HSLCE Result sangdongba sülen anogo 10 tsüngda nungbosa tembangtsü imlar, ta kasa sangdong ajanga metetdaktsü.