Teimla tzüpokdak

Shiba pei teyari asoshi Yakob Tsüngrem lir, shiba teimla Kibuba pa Tsüngrem dak lir, tepelatsü. T. Ken 146: 5

Asen tashi dak mesüra asen meketa aliba kecha nunga teimla ayutsü menüngdaker, saka Tsüngrem shibai tenangzükba ayur, Pa asen Tsüngrem, Pa dak teimla ayutsüla. T. Ken 146 yagi ashir, alima chubatem aser tulurtem dak teimla akabaji süitema oadoker. Asenoki tulur dak mesüra asen akaba dak teimla yunür asüng? Itemji süitema oadoker, ajak akhümtsübuba nisunga tetaktet ka dang alir. Teti tatem maka asen teimlajibo Kibuba asen Tsüngrem dang lir.
Alima chubatem mesüra tulurtem aikati takatait mesüra tashi alirtem dang yaritsüa akok, saka asen Tsüngremibo makamaiter, kodamasür, timtemer, ajak Pai anepalur.
Na dang koba tensa nung lidir liaka, mesüra nai na teyimla maka ta bilmer asü? Tsüngremji asen shitakba teimla tzüpokdak lir. Asen timtem mapang nung, teyari angutsü asoshi asenoki Pa dak ranglokdi aser asüng asoshi Pa dak teimla yudi.