Teinyaker kümang

‘Temeli tashi nung tasüba mesüra taküm keta lir; aser shiri ibai meimer pai iba tejang achitsü.’ A. Shin 18:21
“Nai kechi memetet iba asoshi na shisatebulu, saka nü taküm nung nai kechi metet iba amaji na lir asüng malir iba asoshi dang shisabuluang.” ta Corrie Ten Boomi ashir.
Yakob 1: 23-25 nung ashir, na teinyaker ka kümang aser nai inyakba nung na moatsütsü. Sayutsüngi aser tajungshiba agütsütsü kanga melar, kaket nung shidak indang aika zülur, saka sayutsüngi agütsüba, ajungshiba aser züluba amaji meliteter aser meinyakteter aji mapa küma inyaktsübajisa tasakba aser iba jagi tangar aika temulung yirua metsüdakdaktsür. O ishiba saka inyakba timba südaktsüdi.
Asenoki meranga inyakba nung Tsüngrem pelar aser asenok temoatsü, azükaru nung teti alitsü. Temeim adianutem, tamang, tanela jenjang nunga asenok teinyaker akümtsüla.
Sarasadem: Kibuba teinyaker taküm ka alitsü nai ni yangluogo, ni inyakba nung temoatsü liangma. Amen