Tejaklen camera 16MP aketba Oppo A57 phone sayaogo

Bengaluru, January 31 (Agencies): China nunger phone yangluba company ‘Oppo’ ajanga smartphone A57, Mongulbarnü sayaogo. Iba phone nung tejaklen camera 16MP aser ‘fingerprint’ mapa tekaraba inyaker.
F1 aser F1 Plus smartphone mesükba A57 smartphone nung tejaklen f/2.0 aperture aketba 16MP camera lir aser Oppo indang “Screen Flash” aliba ajanga tesangwa junga maliba mapang agiba noksa kanga jangjaa adoker.
Iba phone tejaklen aliba camera ya 13MP aser Sony IMX258 sensor aser F2.2 aperture lir.
Iba camera nung Phase Detection Auto Focus (PDAF) ajanga second 0.1 nung auto focus süteter aser Ultra-HD mode ajanga noksa 50MP tashi agitsü akoker. Fingerprint reader nung hydrophobic zirconium surface aliba ajanga temeyong nung tzü keta aliba mapanga mapa inyakteter.
A57 phone indang processor ya Octa-core aser RAM 3GB lir. Iba phone nung Nano-SIM card ana aser MicroSD card ka amshiteter.
Iba phone nung memory 32GB lir aser MicroSD ajanga 256GB tashi inoka amshitettsü. A57 phone display ya inch 5.2 aser 2.5D Corning Gorilla Glass 4 inoka lir. Iba phone battery tashi 2,900 mAh lir aser ColorOS 3.0 indang Android 6.0 keta lir.
A57 phone ya hon sentsü nung lir aser sen 14,990 agi OPPO store, Flipkart, Snapdeal aser Amazon nung February asem nungi angutsü.