Tekülem ; Baptiba Ka

Nenok temenen atoktsü asoshi nenok temulung meyipang aser nenok nisung shia Kibuba Yisu tenüng nung baptiang. T. Mapa 2:38

Martin Lutheri ashi, “Khristan kati baptiba kuliji yipten jara nung idaka yuang aser iba jagi anepdang shia saker aji angudang pa/la baptiba bilemtetdaktsütsü.

Baptiba nung Tsüngremi asenok Par chirtem ama agizüker. Tanur kati obendang dak mesütetba tamaitsü inyakyim mangatetter. Tsüngremer kidang kinü tanur asoshi baptitsübajia lir. Lai/pai amatoktsü akok, saka iba jagi baptiba mapang tongtipangji ajema kümdaktsür ta masü.

Baptibaji Tsüngremi asenok par chirtem ama mesütetyim lir. Kodang asenok baptir, Khrista asenok adianu akümer. Asenok Par kibong nung züngsem ka akümer.

Asenok baptibayim jagi aser Tebu teka asenok tsütsü songtoka lir ta ashir. Iba tetezü tekümtetji iba kisüng nungi angutsü ta masü kechiaser pa nungi meyipa aotsü akok saka pai asenok nungi kodang meyipa moatsü. Asenok nungi jena aotsü aser Pa meyong mesüi akümtsü akok saka Pai kodanga asenok nungi jena maoer aser asenok mesentoker.

Pa temeim aser tatok teti asenok tsütsü lir. Kibuba, ni baptiba taochi nung alitsü yariang; Yisu tenüng nung. Amen.