Tekülem Ibri 10:19-25 ; Kibuba külemang

O arung, asenoki külemdi aser aputakdi: asen Teyanglur Kibuba madang asenoki aputakdi. T. Ken 95:6 Tekülem nung asenoki Tsüngrem meimba sayur; akhümtsübur aser külemer “kechiaser Pa asen Tsüngrem aser asenok Pai mesüba purtem aser Pa meyong santem” (T. Ken 95:7).
Asenoki telok nung aser kija nung Pa külemtsü akok. Tamang aser Tsüngrem temoatsütem asoshi tenüng asangtsü bilemba ajanga Pa külemtsür ajungmesor.
Tekülem nung tenüng asangba aser tetushi dena lir. “Tenüngsang agi Pa süngkümi iang, aser Pa talidaki sanga iang; Pa dang tenüngsang agüjang, aser Pa nüng moajang” (T. Ken 100:4). Tekülem nung tepela tulu aser Tsüngrem asoshi teyongyaba dena lir. “O temeranger Kibuba, Ne talidak koda tobur tajung! Kü nelai yongyar, au, oda Kibuba tenlaki asoshi lumir; kü mulung aser kü shi agi taküm Tsüngrem dang ken atener” (T.Ken 84:1-2).
Khen khen iba tebilemba taginüba ama tashi itta masür. Saka külem medemsor tamangertem den külemi külemdang tepela tali asür – Laishiba azüngba, Kibuba Benjung, pastor sayutsüngiba, sarasadem, tenüngsang ken atenba aser medemer Khristantemi ajungshiba ajanga.
Asenoki sentepi aotsü asüba agi dang aor masü Tsüngrem tenüng asangtsü aser O ajanga Khrista nung tanelaren tashi tasen angutsü asoshi aor.
Kotak nung aliba Oba, tekülem nung onok nem tepela agüjang. Nai onok meimer aser onoki ozü Kümtetdakba Yisu Khrista asoshi na meimer ta onoki metet. Amen.