Tekülem kidang-ang liner ako

 

Anük :Obou, junga dang lir südi, tanübo na ya anepongi koleni aoba shilanger aka? Oda teti dang aruya angur atu ?

Obou : Hauja, kü tebilemba ya nenok dang rasa ashi nung iba oji  nenoki junga mangatet sür oda ni dang luja menütsütsü asüba agi meshiner dang aku.

Anük  : Aya!! Odang nü tebilembaji onok lanur danga ashi nunga kecha  masü atu na? Onoka nenok taintem ajurudang ang otsüren ajak angazüka pei taküm tajungba melenshia aotsüba tejangraba lir nung koda.

Obou  : Hai!!! Oda ni nenok dang kü tebilemba shinüa aliba o kaji oboula nunger alima mapang tajung nungi dang tamajungba mapang tashi asen dak kecha tajung meliaka pai arishi moatsüba den asen taküm rongsen moatsüba item ajak agia lia arur, saka asen  taküm nung aji agi asen taküm aser tanela ani mesüngzüktet nung asen teimla ajak agi asen Tsüngrem dak dang amanga pa dang sarasadema kazünüa nibo TEKÜLEM KIDANG ANG LINER AKO!

Anük : Hau, tanü meimlaba mapang ka nung na ajurua nü tebilemba tajung agi alimar nem sangokja pei taküm nung tasüngdangba ka ka agütsüba atema kanga dang pelaseta nü o angaogo no!!.

Lilir : Mr. S. Repa Pongen,

Near DC Court Dimapur.