Tsüngrem O : Tetenzük nung O liasü, aser O Tsüngrem den liasü, aser O ji Tsüngrem liasü. Yohan 1:1
Tsüngrem den jembi? Sarasadem ajanga asenoki Tsüngrem den jembir. Tsüngrem Oji asenok dangi koda aru? Iba O dang nungi tali, O lemsar jembiba (part of speech) dang nungi temaba. Tangatetba ka nung, Tsüngremer jabasoji O lir. Iba O ya Tsüngrem den liasü aser Tsüngrem lir. Iba O jagi kechisarena yanglu aser Yisu Khrista nung shi aküm. Kodang Pai asenok tamang nung tashi itdaktsüdir aser Pa O nung akanga lidir Tsüngremer mulungba inyaker.
Ano asenok nem Tsüngrem O, Laishiba agütsü koba agi Yisu indang kuli asür, Laishiba bushiba, taküm tia ajak nung iba dangi meyipba ajanga teyari aser anisüngzük angur. Tekülem O nung jagi asenok atar, talisa Baptiba nung tzü den O aser Kibuba Benjung nung amtsük aser yi nung, Tsüngremi ano O den sendaktepba ken, sangro aser Pai junga yangluba nungi jembir. Anüng tebur tajung aser alima tebur tajung ajanga Pa jembir.
Asenoki Oji pastor nungi angashir, Khristan mapa inyakertem nungi angashir, aser Khristan medemertem nungi, Oji o dang masü saka ibai ain tashi lir, asenoki ibai temeim mapa inyakba, tatok agütsüba, taremzük aser bendanga agütsüba nung angur. Item lemang ajak nung asenok Tsüngremer O nung akhanga ayur aser asenok tamang tashe akümer.
Yisu Khrista, shidakba Tebu O, ni Ne O kümküma yuang aser abentsü aser amangtsü. Amen.
You must be logged in to post a comment Login