Tekümtet angutsü jenjang

Mathi 3:2 Nenok temulung meyipang, kechiaser kotak yimli anasa lir.
Mathi 18:3 Aser pai ashi, “Ni nenok dang züngpung ashir, nenoki meyipa tanur chanu ama mekümra, kotak yimlii kodakang maitsü.”
Mathi 19:16-21 Aser ajiang, nisung ka Pa dangi arua ashi, “Tesayur, teti taküm angutsü asoshi ni kechi tajung inyaktsü?” Aser Pai pa dang ashi, “Kechi tajung lir iba indangji kechiba nai Kü dang asüngdanger? Tajungbo ka dang lir saka na taküm linürabang, ozüngtemji benshiang.” Pai pa dang ashi, “Koba?” Aser Yisui ashi, “Nai tetepset, nüktapangta tebenshi, nai tauya, nai tiyazü kuli teyi, nübu aser netsü akhüm tsübuang; aser, nai kiyonger dang pei ama meimang. Asangur jagi Pa dang ashi, “Item ajak ji benshia lir. Ni ano kechi agi madoksa?” Yisui pa dang ashi, “Nai tabensaba kümnera, oang, na akaba yokang, aser sensaker nem agüjang, aser kotak nung na rongsen akatsü, aser arung, Kü sülen anidakang.”
Mathi 24:13 Saka shibai tatem tashi aremdir pa kümzüktsü.
Yohan 3:3-5 Yisui pa dang ashi, “Atangji züngpung Ni ne dang shidi, tanaben mesora nisungi Tsüngrem yimli mungutettsü.” Nikodimai Pa dang ashi, “Nisung tambur kümer pa kechi koda asotsü? Pa tetsü poki tanaben tur sotettsü no?” Yisui langzü, “Atangji züngpung, Ni ne dang shidi, nisungi tzü aser Tanela nungi mesora, Tsüngrem yimlii aitsü makok.”
Yihuda 24:14,15 Aser nisung chir dak shirisa amangdir Pa dak teti taküm angutsü asoshi, Mosai kechi koda arem nung per ajungket, yamaji nisung chir ajungkettsüla.
Yohan 5:16, 17 Kechiyong Tsüngremi alima oda meim nung, shirisa Pa dak amanger mesamatsü, saka teti taküm akatsü Pai pei ajaso chir agütsü. Kechiaser meimchir nung tai agütsütsü asoshi masü, saka Pa ajanga meimchir kümzüktsü asoshi, Tsüngremi pei chir alimai yok.
18, Shibai Pa dak amanger Pa nung tai magütsür; shibai Pa dak mamanger Pa nung tai agüjadokogo, kechiaser pai Tsüngrem ajaso chir tenüng nung mamang.
Yohan 5:24 Atangji züngpung, Ni nenok dang shidi, shibai Kü O angar, aser Ni tenyaba dak amanger, Pa teti taküm kar, aser obendangdaki marutsü, saka tasü nungi takümdaki ogo.
Yohan 6:28,29 Anungji parnoki Pa dang ashi, Tsüngrem mapa inyaktsü tim? Yisui parnok dang ashi, Tsüngremi shiba yok Pa dak nenoki amangtsü aji Tsüngrem mapa lir.
T. Mapa 2:38 Peteri parnok dang ashi, Nenok temenen atoktsü asoshi nenok temulung meyipang, aser nenok nisung shia Yisu Khrista nung baptiang, aser Tanela Temeshi sempet nenoki agizüktsü.
Kibuba Yisu, Ne tekümtet tenla ni tekümtet angutsüsa amangtsü kü tamang ulujang. Amen.