Teküp ayokba ajanga Goa menentsür:Deputy Speaker

Panaji, June 14 (Agencies) : Goa assembly Deputy Speaker Vishnu Wagh-i, “Teküp ayokba ajanga Goa menentsür aser lendong tapu balala bentsür arur, aser iba maparen nung police o pimp na tsüngdang tesentaktep lia inyaker,” ta Mongulbarnü ashi.
“Teküp ayokba ya lendong aketba mapa ka kümogo aser iba ya ajanga state aküm mali kümdaktsüba den maksü bentsür arur. Iba maparen nung police ketdangsertemia iba mapa inyaker den teka amteper inyakba ni angashiogo,” ta BJP nungi yimsüsür Wagh-i Facebook post ka nung metetdaktsüogo.
“Sorkari iba mapa ya kanga shishi agitsüla,” ta St. Andre assembly constituency nungi MLA Wagh-i ashi.
Teküp ayokba anema inyaker, NGO kati metetdaktsüba agi, 2010 nungi 2014 tashi nung teküp ayonger parnok tetsür 316 kümzüka alirtem ajak, raliwalir nisung million pezü amongba tesem, Goa anüdoklentip tsütsü aliba Candolim-Baga nungi anitetogo.