Telangana CM-i Kalam kürakyanglu ka sayatsüogo

Hyderabad, October 15 (Agencies): Telangana Chief Minister K. Chandrasekhar Rao-i Brihostibar nü asür aser tesüiba mapang Linük Tir A.P.J. Abdul Kalam indang kürakyanglu ka Defence Research & Development Laboratory (DRDL) nung sayatsüogo.

Asür Kalam sor küm 84 ajungba bilemteta amungba anogo nung bronze agi yangluba kürakyanglu lapoktsüba sülen, CM K. Chandrasekhar Rao-i, “Linük jabaso tajungtiba ka indang kürakyanglu lapoktsütsü maongka anguba ya ni asoshi temoatsü tulu, kechiba süra India nung Mahatma Gandhi sülen bo lennir tajungji Kalam lir,” ta ashi.

Rao-i, state-i asüngdangba ama DRDL ta ajaba tesem dang Dr A.P.J. Abdul Kalam Missile Complex ta ajatsü melaba atema centre dang kanga pelarba lemsatepogo.

You must be logged in to post a comment Login