Telangana nung Khristantem sarasadem ki ka rongtoktsü

Nizamabad, March 20 (Agencies): Telangana, Nizamabad didtrict kübok Gopanpally yim nung Khristantem sarasademba ki ka mejangjaba nisungtemi rongtoktsüogo.
Tanü Nizamabad Superintendent of Police-i ashiba agi, sarasadem ki yanglutsüji yim Panchayat-i ashishia liasü, iba sülen Hokolbar ayaterm mapang mejangjaba nisungtemi sarasadem kiji rongtoktsü.
Iba dak sentakba nung nisung shinga pua mali ajisüaka police-i keno bo benokogo.
Osang ajanga angazükba agi, anogo ishika jakdang yangji Khristan Hindu nunger Khristan yimsü dangi meyipdaktsütsü meranger ta tai tonglokja Hindu nunger nisung 40 shii pastor densema tamangertem dak azük.
Sarasadem agiba mapang Hindu nungeri azükba sülen nisung trok hospital-i anir ao. Parnok rongnung arishi küm pezü tetsür chanu kabo tetsüng-a kosüka azük.
Taoba Deobarnü Bajrang Dal züngsemtemi Chhattisgarh nung Pentecostal Tenla ki ka raksaja tamangertem dak azükba sülen yakünü iba ya atalokogo.