Telecom industry nung jenjang dalangbaji BSNL

Guwahati, September 7 (Agencies) : Linük telecom industry nung unlimited free voice aser landline/broadband atema data plan jenjang dalangba nung agütsübaji BSNL lir ta Bodbarnü parnoki metetdaktsü.
Sorkar meyong telecom company BSNL-i mobile customers atema unlimited free data/local/STD calls agütsüba den landline customers atema rental plans tajemba agütsür, ta parnokisa ashi.
“Industry nung tanga operator shingaia BSNL ama plan tajung aser special tariff vouchers (STVs) magütsür” ta BSNL Assam Circle Chief General Manager (CCGM), M K Seth-i metetdaktsü.
“Onok indang network coverage tulutiba aser tanga operator tem dang nungi onok indang tariffs dalangba lir. BSNL customer temi free national incoming roaming facility aser landline/broadband atema free night calling süteter” ta Seth-isa ashi.
Linük nung BSNL sapua amshir aser data inlokba nung Assam Circle mezüngbuba menden nung lir. Mobile 3 Million (M3M) scheme kübok mobile amshir aika kümogo, ta paisa ashi.
September 9, 2016 nungi unlimited free voice aser data plan tenzüktsü aser iba nung BSNL-i Landline Broadband Plan BBG Combo ULD plan (at Rs 1199 for speed up to 2Mbps flat), Free Unlimited Data Download aser linük nung network mashi ka dangi 24 free local/STD calls agütsütsü, ta Seth-isa metetdaktsü.
“Industry nung free data broadband plan jenjang tajemtiba nung BSNL-i Rs 249 nung Broadband Experience Unlimited Plan tenzüktsü” ta paisa ashi.
BSNL-i postpaid mobile customers atema unlimited free local/STD calls alitsü aser ano kaketshirtem atema special prepaid plan tenzüktsütsü.