Telecom ya economy ajungketba nung hadir ka ama amshitsü: Aruna

Aenjeti 20, 2018 (Agencies): National Telecom Policy (NTP) tasenba kübok sorkari telecom sector ya economy ajungketba nung revenue aar ka ama masü saka hadri ka ama amshitsü, ta ketdangser kati ashi. “NTP nung temelenshi tulu ana asem ka bener arutsü asoshi onoki merangdar aser iba nung telecom ya revenue aar ka ama masü saka economy ajungktba nung hadir ka ama amshitsü. Iba tsütsü temelenshi bener arutsüba ya NTP nung tongtibang onük ka lir,” ta Telecom Secretary Aruna Sundararajan-i IAMAI sentong ka nung ashi. Lai iba telangzüba policy tasenba nung temelenshi tsütsü asüngdang dang agütsü.
Industry nung tongtishilem agirtemi sorkar aser tanga authority balala dang mapang shia telecom sector ya sentsü aotsüba sector ka ama mamshitsü asoshi züluogo. Sorkari fiscal year 2016-17 nung telecom sector nungi revenue sen crore 98,995 aatsü imlaa liasü. Ajisüaka parnoki crore 32,434.10 dang aatet. Economic Survey 2016-17-i high spectrum price dak sendakba nung tebilemtsü akaba lemsatepogo.
Comptroller and auditor general (CAG)-i ashiba agi, 2008 küm administratively spectrum allocate sütsüba ajanga sen lakh crore 1.76 takoksa alu, iba dak sendakba nung telecom operators temi ashiba agi, radio waves atema auctions nung parnoki sen aika agütsüba ajanga iba sector nung takoksa alur. Sundararajan-i ashiba agi, policy tasenba nung tanabuba tongtibang onükji, technology aser services tajung bener arua linük nung telecom connectivity ajungkettsüba lir.
Telecom secretary-i ashiba agi, National Telecom Policy ya taruba küm pongu tashi nung terenlok bener arutsüba dak rangloker inyaktsü. Iba telecom policy tasenba ya March ita tashi nungbo benoktsü imlar.