Telecommunications Sector ajanga mapa lakh 30 adokdaktsütsü

August 19, 2017 (Agencies): 4G technology amshi tenzükba, data amshiba tali akümba aser telecom shishilembaba nung company taseni shilem agiba, digital wallets introduce asüba aser smartphone amshiba kanaga nüngtugu akümba ajanga telecom sector nung 2018 tashi nungbo mapa tasen lakh 30 tashi adoktsü amai bushisüngdang ka ajanga bushitetba metetdaktsü. Technology tasen 5G, M2M aser Information and Communications Technology (ICT) tali renloka aoba ajanga 2021 tashi nungbo mapa 8,70,000 shi tasen adoka nüburtem nem mapa inyaktsü asoshi maongka agütsütsü, ta Assocham aser KPMG nati külemi bushisüngdangba nung ngutetba metetdaktsü.
Bushisüngdang ajanga ngutetba agi, tang teinyakdak nisungtem aser parnok indang skill tem ajanga tebilemba aser taginübatem meperidaktsütettsü. “Infra aser cyber security experts, application developers, sales executives, infrastructure technicians, handset technicians amala maparen balala nung skilled nisungtem nüngdaker, iba den külemi tarutsü tenüngdakba balala atema tang teinyakdak nisungtema update asütsü nüngdaker.”
Telecom sector-i nüngdakba skill aser demand tem aachayangtsü asoshi Telecom Sector Skill Council tentetogo. Ajisüaka iba industry ajanga tanga teinyakda nisungtem tali angazükshidaktsütsüba atema skill development programme balala agitsü atema ang tuyur. Küm ishika tsüngda nung telecom sector subscriber dak sendakba nung compound annual growth rate (CAGR) shilem 19.6 agi yinogo aser revenue dak sendakba nung CAGR shilem 7.07 agi renlokogo.
“TSPs (telecom service providers) puri parnok indang network ajungkettsü atema aser tang aliba network infrastructure modernize asütsü atemaa maneni sen kanga indokdar. 2017 Q1 nung Operator temi sen crore 85,003 bo indokogo,” ta bushisüngdang ajanga metetdaktsü.