Telemtetba Shitak Agiba

Obendang tajung aser temetetba shisatsü kü dang sayuangma: Kechiyong Ne temelaba ozüng nung ni amanger. (T. Ken 119:66)
Asenok O bendangba shidak agütsüra takümji pelaa alitsü. Solomoni shisa kaa telemtetba agiba ajanga Pa tenüng tajung angu. Pa chuba akümdang pai shisatsü dang meshi.
Anogo shia asenoki telemtetba agitsü nüngdaker, aser aiben asenoki mebilemdangi tenük poker shimer. Tejangja memetet mesüra telemtetba agiba nung jagi kechi adoktsü meshisadang telemetetba agir.
Asen ajaki tejangja telemetetba nung inyakner. Telemtetba tejangja makar shingai maginer. Telemtetbaji asenoki agitsü süra, tangar aser asenok ajungtsü bilema agitsüla.
Telemtetba agiba tongtipangtibaji tanela tajungtibaji ajemaluba lir. Ajemalubai telemetetba tai agibajia agizüktetter. Shibai ajemalua aibilenji agizüktetter pai tangar nungi shisatsü tajung angur aser tanaben aibelentsü lendong nungi kümzüker aser mapa tajung nung terenlok kaa inyaker. O bendangba nung aibilenji alima rangpen meimchir dak aketba tashi mait ka lir. Kari tajungba bendangaka, iba tashi nungi shinga jenbua mali. Asenoki obendangba aibelena lir. Kechi shidak aji asenoki inyaktsü meranga lira aser Tsüngremi mulungba nung lira, asenoki aibilenbaji Khrista tenüng nung tatok meshira, Tsüngremi tatok agütsütsü. Iba agizükba tejangja metetbaji tongtipangtiba lir.
O Tsüngrem, Ne O bendang tabensa lir. Ne O aser Tanela Temeshi ajanga onok telemtetba ajak nung len sayuang. Amen.