Teloktep party temi melungra PM akumtsü melunga lir: Rahul

New Delhi, Mongputeni/October 05 (Agencies): Tanü Congress Party Tir, Rahul Gandhi-i, teloktep party temi dang melungra pai Ato kilonser akumtsü melunga lir, ta ashi.
Tasüngdangba ka langzüdang Gandhi-i, “Parnoki (teloktep party tem) ni aginüra ni atangji Ato kilonser kümner,” ta ashi.
Tanü New Delhi nung Hindustan Times Leadership Summit nung pai iba o ya jembia liasü.
Pa aser tetsü, Sonia Gandhi na temesüktep aser tetsüngdaji kechi? ta asüngdangba langzüdang pai, “Lai kü dang aremzüktsü atema sayur, kechiyong kü dak maremzükba shisatsü liasü. Künapronglai angar saka khenkhenbo ni la dang na kanga taremzük ta ashir,” ta metetdaktsü.
Nü taküm nung kanga tongtibang nisung (nüknürar ka) ali asü? ta asüngdangba langzüdang pai menürema, tetsü aser teno ama pa taküm nung tongtibang nisung aika lir, ta ashi.