Temang anema alitsü atema tongtibang teinyaktsü kar

1. Tzü peria jemang
Anogo nung tzü litre asem nungi pezü tashi ajemba ajanga tepok nung aliba jana merüktettsür aser temang anisüngzüka yutsür.
2. Anogo nung ghonda 8 mejangang
Aounung tiptema aser anisüngzüka mejangba ama temang nung teyari agütsütsü atema tanga lenmang mali. Mapang peria agia mejangba ajanga tekolok indaktsür, anibelem melidaktsür aser arishi talangba yutsür.
3. Exercise agiang
Cardio exercise mesüra aerobic exercise agiba ajanga temang anema yutsür. Iba den külemi temang tuozük ajemdaktsür, teret akangdaktsür aser temulungjang tashidak nungi jenbodaktsür.
4. Fizzy pop mesüra cold drinks tali tejem
Tanang aketba fizzy drink tem ajemba ajanga tepo tashi meitdaktsür, temang tuozük timba kümdaktsür aser talisa temang nung diabetes tashidak bulua adokdaktsür.
5. Süngolemba peria chiang
Antioxidant, flavonoid aser tongtibang vitamin aketba süngolemba aser süngjanglijang peria achitsüla.
6. Anogoshia tepo meyutsüla
Anogoshia anaben tashi minute 2 atema tepo meyuba ajanga tepo aser teponü anema yutsür.
7. Green tea jemang
Süngo tanga dak alaka, green tea ajemba ajanga temang nung timtem agütsütsü aliba tashidak aika nokdanger aser agientsür. Green tea nung catechin, antioxidant aser temang atema tajangzük aketba nutrient balala keta lir.
8. Shi melana Ango chiang
Ango nung tongtibang nutrient tem talisa protein, vitamin D aser omega 3 fatty acids densema lir koba temang nung teyari agütsür.
9. Chini (sugar) tajemba achitsü merangang
Süngo, coffee mesüra chiyongtsü tapu balala nangdaktsütsü atema asenoki chini (sugar) talila inokba yimya indoktsüla. Chini ajema achiba ajanga asen temang nung blood pressure aser cholesterol level liromedema yutsür aser temulungjang tashidak nungi jenbodaktsür.
10. Azü tendangang
Kokrabang küm nung khenbo azü tendangang. Iba ama inyakba ajanga asen temang nung tashidak agi atongtsü aliba metetdaktsür, koba ajanga aseni takaraba nung item tashidak nokdangtsü aser tamajungba modaktsütsü atema lenmang aisü nung anepalutetter.

Source: Internet