Temang junga alitsü mechi anogo nung mile 3 jajar: Jessica

December 3, 2015: Kentener Jessica Simpson-i, kinungbo Eric Johnson aser tanur Maxwell o Ace nunger den anogo shia mile asem jajaba ajanga la temang anema alir, ta sapoka shiogo.

“Ni anogo shia mile asem sem jajazür. Eric (Johnson) künati ozü tanurtem anir talanglang jajazütsü kanga jangrar. Kima parnok den arishitepba kija agia temang junga aliba nung yarir nung koda!” ta Simpson-i eonline.com dang ashi.

Lai ashiba agi, temang anema aser junga ayutsüba ya tanur sor külen tenüngdakba akümer.

“Temang anema ayutsüba ya ni asoshi kanga nüngdak ta ni bilemer. Tanur asoba sülen nungi temang junga aser anema ayutsü ya ni asoshi tongtibang aküm,” ta lai ashi.