Temang nung temo ajemdaktsütsü atema Dimapur nung 3D Lipo treatment tenzükogo

Dimapur, Luroi/August 22 (TYO): Temang nung temo ajemdaktsütsü atema tanü Dimapur nung Clinical Spa of Family Health Clinic-i 3D Lipo treatment tenzükogo.
Iba treatment tenzükba sentong nung tongti tejaokerji alima nung kanga nüngtugu kentener, Alobo Naga liasü aser pai 3D Lipo treatment services tenzüktsü.
Iba sentong nung Principal, Assemblies of God School, Dimapur, David Ngullie-i meshiteta sarasademtsü.
Clinical Spa nung 3D LIPO treatment: Lipo ya temang nung temo ajemdaktsüba inyakyim ka lir. 3D Lipomed ya kanga tashi tait aser liposuction lir, koba ajanga surgery menüngdaker. 3D Lipomed ajanga temo aketba cells raksaja temo ajema kümdaktsür.
3D LIPO ya temo agienba, teküp ‘tightening’ aser cellulite reduction lir.
3D-lipo-i Prestigious Aesthetic Awards nung Best Treatment, Best British Based Manufacturer aser Best Equipment Supplier awards nguogo iba denji külemi celebrities, doctors aser surgeon aikati 3D-lipo treatment agitsü ajungshir.
3D-lipo service ya tangbo UK nung clinic 600 dak tema nung angur aser Pakistan, Dubai, Germany, Kuwait, Saudi Arabia densema linük aika nung distributors network tulu lir.
Temetettsü kar:
* Iba treatment ya ita 2-3 shi hopta shia agir.
* Temang nung temelenshiji ita ka sülenbo angur aser ita ana tashi nungbo temeleshi tulu alir.
* Minimun circumferiental reductions ji centimetre ishika nungi inch ishika tashi angur.
* Mozü menüngdaker saka temelenshi junga alitsü atema healthy lifestyle benshitsüla.
* Treatment packages ji sen 6000/- nungi tenzüker (chiyungtsü maden).
* Clinical Spa at Family Health Clinic nungsa Wrinkles, pigmentation, acne, scar, surgical scar aser botox and Fillers service angur.
Osang tali jangjatsü atema phone number 7628857400 nung tongteprateptsü akok mesüra Clinical Spa, Family Health Clinic, K. E Complex, Nagarjan Junction, Dimapur nung Proprietor, Dr. Kahuka Sema den tongteprateptsü akok.