Temang touzük ajemtsü atema temo aketba chiyungtsütem

Aiben asenoki temang touzük ajemtsü atema temo aketba chiyungtsü machitsüla, saka süngjanglijang aser süngolemba achitsüla ta bilemer.
Temo aketba chiyungtsü kar tasazük ka achi nung mapang talangka nungbi temang touzük ajemtsü, iba dak alia nü temang nung temo rongsatsüba hormones densema hormones liromedemtsü atema temoji tongtibang.
Temang touzük aser tepok chizükba ajema akümtsü atema temo aketba chiyungtsü kar:
Almonds aser tanga nuts: Almonds aser pecans, walnuts den cashews ama nuts achiba ajanga na mapang talangka mayatsü aser nü tepok chizükba ajema akümtsü. Ajisüaka metsü aketba nuts bo machitsüla, kechiyong sodium aika achiba ajanga blood pressure tali akümtsü.
Tejang: Sunflower jang aser flaxseeds ya ‘temo tajung lir’ aser iba ya ajanga diet nung kanga yariba den temang touzük ajema akümtsü nung yarir. Sunflower jang nung dietary fiber aliba ajanga mapang talangka mayar aser chiyungnüa maiter, iba den külemi iba jang nung antioxidant vitamin E lir koba ajanga teküp nung yarir. Flaxseed nung vitamin B, omega-3-fatty acids aser fiber lir koba ajanga mapang talangka mayar, aser carbohydrates-a ajema lir.
Olive totzü: Olive oil ya ‘temo tajung’ aser iba totzü ajanga temo aronger iba den külemi LDL cholesterol tamajung ajema kümdaktsür. Ano canola oil, peanut oil, safflower oil aser sesame oil ya monounsaturated fats aketba totzütem lir. Avocados süngjang aser peanut butter nunga monounsaturated fats aika lir.
(Source – Internet)