Temeim aliba sannüker

Pai pei san telok sannüker amai mesütsü, Pai pei tepen agi san chanutem anitentsü aser Pai itemji teku nung ajunger aser mama yongdaktsürtemji tanemi anir aotsü (Isa 40 : 11).
Aser Yisui Pa nütsüngtem Pa dangi jaa ashi, Ni telok asoshi aria bilemer, kechiaser item anogo asem parnok kü den maneni lir aser tachitsü kecha maka. Aser ni parnok lumia meyokner, ashiko parnok lemang nung lulatsü (Mtt 15 : 3). Kechiyong asen mokokmin nung aria bilemtsü makokba asen temaba Putir mali saka asenok ama Pa ajak nung atidang, aji saka temenen mebenshi( Ibri 4:15).
Aser Pa nung kongshidaktsütsü, parnoki Pa dangi tanur chanurtem anir aru. Aser Pai parnok dak teka agi azüiter, parnok dak nemeta moatsü (Mk 10 :13,16).
Tesamaba san ama ni mashileni ogo (T.Ken 119 :179). Kechiaser nisung chiri temadokba bushitsü aser kümzüktsü aru(LK 19:10). Kechiyong santem ama nenok mashileni oya liasü saka tang nenok sannüker aser Tanela Tanükba dangi meyipa aruogo(1Pt 2:25).
Tetsübutsü telok tilaba kechiaser nenok Tebui nenok nem yimliji agütsütsü Pai mulung lir (Lk 12: 32).Ni kü santem mesütsü aser ni parnok mejangdaktsütsü (Ezk 34: 15).
Oba Tsüngrem, Nai ni yanglu, lidaktsü aser mesütsü nangzük nung Ne tenüng asanger. Amen.