Temeimi tashi angaba bener arur : Yohan 14:21

Tsüngrem ozüng dang tashi angabaji ne mulungjang nungi adoker. Kodang Tsüngrem dang tashi küptepdir, iba jagi ne mulungjang pa nungi pilaa aoba sayur. Kari ashir: “Ni Tsüngrem meimer, saka shilem kar nungbo tashi mangatsü bilemer.” Ibaji tanelaren tamakoktsü. Ni ne dang asüngdangra, “Nai Tsüngrem meimer asü?” Nai melamela langzütsü, “hau! ” Saka ni ne dang asüngdangra, “Nai Tsüngrem dang tashi angar asü/” Nai jet ta hau ni tashi angar ta langzütsü asü? Ajisaka ni ne dang asüngdanger, Tsüngrem asoshi temeja temeim jagi temulungjang ajunga agi Tsüngrem meimba dangi anir. Nai nübutsü mapang kar nung meimer saka mapang kar nungbo memeimtsü bilemer ta shira, nena tesendaktepji anokshitsü. Aji saka asenoki mapang mapang nung Tsüngrem meimba nung pai temulung asü ama asenoki bilemer , Pa yamaji masü
Temeim medeni tashi angabaji ozüng lir. Pei atema temeimba jagi tabensayimren dak alema kecha mali, koba agi asükümleni anir. Khristan aikati Khrista dang tashi angaba dang tali pei taküm nung tazüokba akatsü bushir. Tanelaren tazüokba nung teyari asütsü akok, saka iba jagi nai Tsüngrem meimba atsüngtsü makok. Temeimji tazüokba. Tsüngremi ne temeshiba yimya atema repranger, jakla Yimya atema repranger aser ne mulungjang ateta oa repranger.
Tekülemji Tazüng aser renema ayuba ka dang akümer asü? Tsüngrem o azüngtsü jangraba samar asü? Tanelaren azümesen akümer asü? Ne sarasadem ta lemtetta akaba tekülem ka dang akümer asü? Itemji temulungjang Tsüngrem nungi pilaba temaitsütem lir. Na mezüng temeim dangi meyipang. Tsüngrem den sendakteptsü aser tenzüktsü asoshi temeimji tajungmesor tulutiba lir.