TEMEIMI TENüK MEMEREMER

“Temeimi talangka aremzüker aser taochi sayur. Temeimi tenük memeremer, mezümeküma masur mesüra külaka mebenshir”. -1 Korint 13:4
Khristan ka sobutsüji temeimji lir. Temeimi moshia lira nisung ka dak tamajung masu tajung dang adoktsü. Pai anguba, sapuba, bushiba, nükshiba, jangraba ajakji tajung atema dang alitsü,
Kodang temeim mokonga kümdir pai tashimait aser tamajung dang angutsü. Pa taküm nung tenükmerem agi sünga alitsü.
Tangar ka tajung aküm nung tenükmeremtsü, takar aküm nung tenükmeremtsü, jenjang tajung ka alangzüktet nung tenükmeremtsü, langka tajung ka inyaktet nung tenükmeremtsü, kibong junga alinunga tenükmeremtsü aser Tsüngremi amshi nunga tenükmeremtsü. Kodang temeimi sünga lidir ajak nung tajung dang angutsü.
Tepelateper den pelateptsü aser tajeper den jepteptsü. Tsüngremer temeim sobutsü suboang ma.
Sarasadem:
O Kibuba, kü dak temeim agi moshia lidakjang. Tenükmerem kü dak nungi agienjang. Amen.