Dimapur, September 17 (TYO): September 17, 2015 nü DEF Kohima, District Intelligence Branch (DIB) sepaitemi Kohima jila nung mita aoba mapang ketdangser dang nungi temelaba makai ILP kaket yanglua sen aika yong ayoker nisung pongu puogo, ta tanü Kohima PRO aser Sub – Divisional Police Officer, Atu Zumfü NPS-i sangdong ka ajanga metetdaktsü.
Par pongu rongnung nisung ana- Assam, Karimkanj kübok Kankalish yim nungi Md. Ayub Ali’er jabaso Abdul Jalil (54) aser Bihar, Motihari district kübok Godhiya Haraj yim nungi Asür Chirkut Sahani’er jabaso Shiv Prasad Sahani (72) na North Police Station kübok apu. Tanüngba nisung asemji Karimgnaj district kübok Tilabari yim nungi Adul Jalil’er jabaso Md. Nurul Islam (32), Uttar Pradesh, Gorakhpur district kübok Basantpur yim nungi Doodhnath’er jabaso Gautam Sharma (42) aser Bihar, Motiihari district kübok Koral yim nungi Bipat Sahani’er jabaso Mahesh Sahani (36) nunger Kohima South Police Station kübok apu, ta paisa ashi.
Parnok ket nungi ILP 92, Note pad 12, Passport noksa 25, ILP Application form tazüng 29, ILP Application form (tenüng zülur aliba) 38, Police verification form 18, ILP receipt tazüng 10, PAN card 4, PAN card application form 8, Driving license 4, Driving license application form 4, Driving license atema NOC 5, Non-local declaration form ka aser temepishiba shidi ka nguogo, ta kasa sangdong ajanga ashi.
Parnok dang mezüng asüngdangyaba ajanga ILP tasen ka atema parnoki sen 500 meshir, ILP renewal atema sen 300 aser late fine atema sen 50 meshir ta jangjaogo, aser iba dak sentakba nung parnok anema Kohima North P.S aser South P.S na nung ken o balala benokogo, ta kasa sandong ajangasa shisem.
You must be logged in to post a comment Login