Temenen anema raraba – Sarasadem agi

T. Ken 19:13 pei matu-malem tai nungia ne tenzüker sotang. Item jagi ni tamshidaktsü. Idangji ni tindang alitsü, aser ni mashilen mapa tulu nungi jenbua alitsü.
T. Ken 39:1 Ni ashi, “Kü temeli agi temenen memenatsü asoshi ni aolen kümdangdi. Tamajunger kü madang ali tashi, ni kü tebang nung taküm yudi.
T. Ken 51:2-4 Kü tai nungi meshimeshia shidokjang aser kü temenen nungi ni merüktetjang kechiaser ni ozüng raksaba tai nangzüker. Aser kü temenen teti kü jakdang lir. Nai jembidang na melentsüsa alinungji na anema, na anema dang, ni menen menaogo aser Ne nükdang kechi majung aji inyakogo.
T. Ken 139: 23, 24 O Tsüngrem, kü dak bushiang aser kü mulungjang metetangma: NI tendangang, aser kü tebilemba metetangma aser kü dak tamajung kar lira reprangangma; aser teti tatem maka lemang nung ni aniangma.
Mathi 6:12, 13 Aser ozüi kechi koda pi tai toka lir, aji oda ozü tai tokangma. Aser tatitangi onok tanima, joko tamajungba nungi onok sotang.
Rom 8:13 Kechiyong nenok shi amato lira, nenok asütsüla; saka tanela agi temang mapatem südaktsüra, nenok taküm alitsü.
Kolosi 3:5 Anungji alima nung aliba nenok tenük-telen, oda nüktapangda, memerükba, tamajung azüapungba, jabujari aser tenükshiba, koba süngyanglu külemba lir, item ajak nenoki tepsetang.
NOKDANGBA
Ibri 12:4 Nenoki ano temenen anema raraa azü mayim tashi nokdanga mali.
O Tanela Temeshi, temenen madak takok angutsüsa sarasademtsü kü dang sayuangma. Amen.