Temenen tatokji Tsüngrem nungi lir

“Khrista taochi rongsen agi asenoki Khrista nung pa zü ajanga asen tekümtet, oda asen temenen tatokbaji angu” Efesa 1:7-8
Alima rongsen ya asenok asoshi tongtibang ka lir, saka alima rongseni kodanga malizüktetba rongsen ka lir aser iba rongsenjibo Yisu azü as en menen asoshi tokshiba ya lir, Kanga dang aroka shisadanga bilemdangra, asen taküm ya tematiba jenjang ka nung lir. Aiben aseni asen taküm ya züba züba ka nung dang anir aser alir saka taküm ya Tsüngremi pa shisatsü, pa tanela, pa taochi aser pa temeim agi asenok nem apuloktsüba lir. Süra, asen taküm tang koma lir, koda alir, koma tembangtsü bilemer?
“Saka Khrista Yisu nung koba tekümtet lir; ibaji ajanga pa taochi agi parnok angati metendaktsü” Rom3:24. Tsüngrem taochi ya asenok asoshi temeim ulura sayuba lir. Mapang ka nungbo asenok taküm ya tesembatsüka liasü .. temenen lar, tanger ashioktsüba, jashidaktsüba, tashimangaba, chia ajem nung mazüoki aliba, tanger nem tatok magütsütetba … saka Khrista taochi rongsen, koba Pa zü agi asenok alangzük, iba tashi ajanga asenok nem Tsüngremi tatok agütsü. Na Tsüngrem rongsen nung alir asü alima rongsen nung metaloka lir ?
Sarasadem : Kotaker Obala, tulubusa agütsüba tatem maka taochi osang tajung asoshi kanga pelar. Amen