Temera nung adokba anakra anepaluyim

Merükmeju liaka mei (summer) mapang nung tetsür-tebur aika dak ‘Jock Itch’ ta ajaba anakra adoka timtemer. Jock-Itch ta ajaba anakra ya miim oset anasa, temera mesüra tepi tazüng nung adoker. Iba ya tashitak tamajung ka masü saka, junga anepalura aneptsü melamelar. Jock Itch ya asentzü tali asenba, tali yiraba, süoshi kanga tekangdak (tight) asemba mesüra temang nung immune system tashi maitba kulitem ajanga adoker.  Kidang Jock-itch anepluyim kar:
Ø    Apple Cide Vinegar: Apple cider vinegar spoon ka tzü telempet nung meyokteper anakra adokba tesemji jungjunga shidokang, aser pasasa kongdakjang. Anogoshia yamalji anaben-asemben anepalu nung kobi melii jungadoktsü.
Ø    Lasüng & Piaz: Lasüng tejang ishika mesüra piaz tera ajensar anakra adokba tesem nungji nüang, iba sülen minute ishika lir, tzü talem agi shidokang, yamaji anogo nung anaben asemben anepaluang.
Ø    Ninang mojitzü: Ninang mojitzü ya anti-septic mozü mesüka lir, anungji anakra tesem nungji anüba sülen ghonda tesadang shi lir tzü talem agi shidokang.
Ø    Yi: Yi ya disinfectant tajung ka lir, anungji yi ya anakra tesem nung mapang shia anüba ajanga anakra tajemji yakta akongtsü.
Ø    Powder: Anti-fungal mesüra anti-bacterial powder tajung ka amshiang.
(Source-Internet)