Temerüktiba mepu asütsü tokteptsü

Dimapur, July 09 (TYO): Dimapur nung Municipal Council kübok aliba meputem (colonies/ wards) rongnung temerüktiba mepu asem shimteta senpet agütsütsü asoshi Dimapur Municipal Council-i telemtetba agia lir.
Anungji, mepu shia nung tanishirtemi mepusangertem nem tangatetba tajung agüja pei kima aser yimdong merüka yudaktsütsü asoshi mepishia metetdaktsüogo. Iba tetoktepba maparen nung tetendangertemi mepu shia nung janaona endokba yimya, kilentzü aodak junga ayuba, tzü atsünga meyudaktsüba, lenmang junga anepaluba, merükmejuba aser mepusangertemi merükmejuba maparen nung arok shilem agiba mapatem nung reprangtsü ta ketdangsertemi metetdaktsü.
Iba mapa tetendangertem July 16 nü Ward No. 1 nungi 8 tashi semdanga arutsü, July 23 nü Ward No. 9 nungi 16 tashi semdangtsü aser tesüsa July 30 nü Ward 17 nungi 23 tashi semdangtsü ta parnokisa metetdaktsüogo.
Iba tetoktepba senpetji 1st prize sen Rs.1,00,000/-, 2nd prize Rs.30,000/- aser 3rd prize Rs.20,000/- alitsü.