Temesepba mozü ayoker 9 den police 2 apu

Itanagar, Monupii (May) 14 (Agencies): Lower Dibang Valley police-i police ana dena temesepba mozü ayoker nisung teku puogo.
Osang tejangja ka angazükba sülen police telok ka nung Sis Abraham Taying, Mohan Milli aser Padi Nikang densemer parnoki Cheta-II nung aliba Yubi Mega’er ki mita ao aser nisung asem apu.
Police temi parnok ket nungi cocaine grm, 14.5 bener lia ngutet.
Police station-i parnok anir arua ken o ashishiba mapang nung parnoki iba temesepba mozü ya Changlang nungi Chakma nunger ka ket nungi Monupii (May) 11 nü bener aru, ta metetdaktsü.
Parnokisa temesepba mozü ayoker kari parnok nem mozü alitsü asoshi sen agütsüba aser parnok tenüngtem metetdaktsü.
Kasa mapang nung police temi Mayu-II nung alir Atoga Pulu’er ki mita aoba mapang nung police temi Pulu aser tetsü Samine Mega na temesepba mozü ayoktsüba atema sepa lia apu.
Tena ket nungi cocaine grm. 3, digital weighing devices ana aser sen 34,300 Deputy Superintendent of Police (Hq) Opir Paron aser CO Sanjay Taram na matsüngdang apu.
Tetsü aser tanur na dang ken o ashishiba sülen maneni parnok külem temesepba mozü ayoker Sokho Mendo, Biju Mega, Shiv Linggi, aser Ege Miso nunger jangjaa aküm aser parnoka apu. Parnok rongnung Miso yabo sorkar mapa inyaker ka liasü.
NDPS Act kübok parnok anema Roing police station nung ken o ka benokogo.
District nung temesepba mozü ayokba maparen nung police tema densema aliba osang angazükba sülen SP Sanjay Kr Sain-i ashiba agi, mozü ayokba nung densema aliba police ana dena pur yua lir. Parnok mapa nungi anentsüogo.