Temesepba mozü sen crore 2 alang apu

Imphal, Aami (June) 5 (Agencies): Police aser 11 Assam Rifles commando temi temesepba mozü crore 2 alang Manipur kübok arrtsü nung aliba Moreh jila nung puogo. Mozü den shibelener parnok asem dena puogo.
Tengnoupal Police Superintendent S. Ibomcha-i ashiba agi, temesepba mozü shibelenba telok nungi tongtiba apuba sülen maneni international jenjang nung iba shishilembaba nung sendaka aliba nisung kar aputsü imlar.
Amungnü nungi tenzüka anogo asemnü tashi joint operation team kati Moreh jila meita aoba mapang nung parnok ya apu. Iba telok yagi ki aika mita oa liasü.
Amungnü mita aoba mapang nung temesepba mozü shibelener Salim Khan apu shibai Riaz Khan tuteta ashi aser iba sülen par telok nung tongtiba Rajesh Bhandari apu.
Salim aser Riaz Khan na Tentonü apu aser Bhandari Sangtennü apu.
Ibomcha-i ashiba agi, police temi Alpar Zolam tablet sen lakh 1.8 alang puogo koba shibelenertemi northeast nung ayoktsü sentong liasü.