Temeshi nisungji teyanglur

Aser ayongküm nung atemba süngdong; kobai pei tsüngküm nung pei tejang atanger, iba amaji pa lir. T. Ken 1:3

Nisung kaji, nisung ka ama alitsü, tejang agütsütsüla. Tsüngremi Pa mesükba nung nisung yanglubaji soyapokyatsü, alima azüoktsü: Tsüngrem kübok iba madak yimsü asütsü aser yimya nung miima akaba bushitettsü asoshi yanglu (Lipok 1:28).

Pa ayongküm nung atem nungji pa taküm talubusa kar aser tsüngküm shidak nung tejang agütsür. Meimchiri merangba ajak nung – science, rongsen kettsüng, politics, kaket shisatsü, aser lokti tajungba asoshi pa teti Tsüngrem tsütsü lir, meimchir nüngdak teraksatsü masü, saka teyanglushir, tebilemtsü aser tenzüker lir.

Saka item ajak dang temaba pa Kümtetdakba Tsüngrem tsütsü alir. Pa sempet (gift) aser shisatsü (wisdom), pa tashi aser pa akaba agi alima nung Tsüngrem sentsüwangshi asoshi inyaktsü pa teti mazüngi alir. Pa taküm ajanga pai Tsüngrem sentsüwangshi sayur. Pa temeli agi Yisu Khristai meimchir ajak teti taküm alitsü asoshi Kalvary nung Pa taküm agütsüba Tsüngrem tekümtet osangtajung indang jembir. Iba nisung temoatsüba, kechiaser pa taküm talubusa akaba dang masü saka iba taküm pa ajanga tangar taküm nunga talubusa yimdaktsür.

Kotak Obala, kü taküm ajungai Khrista agizüktsü aser Ne sentsüwangshi sayutsü kü nem taochi aser tashi agüjang. Amen.