Temeshi tanela agi inyakba temaitsü

“Saka Tanela tejang itemi: temeim, tepela, tesünep, taremzük, kümli tajung, tejungnü, temulung lemtetba, ajemaluba, pei sasa azüokba.” (Gal. 5:22-23)
Temeshi Tanelai mapa inyakbaji tanga balaka kodanga mungudangba maparen ka jungkai adoka inyakba kisüngji masü, saka teti taküm nung asen dak aliba Tanela jagi temeim, tesünep, taremzük, ajemaluba, etc. itemji benshitsü ajungshir. Nisung ka shiba mulungjang Tanela agi sünga alir paji süngjangdong koba nung süngjang tajung aser tanang atanger iba süngdong mesüka lir. Saka shiba mulungjang nung Tanela masü saka shi tebilembatem atanger iba nisungji süngjang tong koba nung tarütsü aiba süngjang atangba mesüka alitsü. Iba süngjangji achitsü majungba dang masü saka iba jagi tanga süngjang tena menendaktsür.
Tanela agi sünga aliba takümji tangar asoshi pa takümji temoatsü aser pa meketa alibapur nem teronem tajung agütsür. Shibai aremzüker pai teronem agütsü, shibai pei sasa azüoker pai tanang agütsü; shiba dak temulung lemtetba aka pa dak aliba sanem jagi tangar puadaktsür. Ne dak Tanela akaba jungkai adoktsü nai item süngjang tajung nü dak tangdakjang.
Sarasadem
Kibuba Yisu, Nia tangar asoshi teronem taküm ka asütsü, nü tanela süngjangtem kü dak tanglokdakjangma. Amen