Temeshiba asoshi merangang

Temeshiba akümtsü asoshi ajak den yimjung nung liang; temeshiba medeni shingaia Tsüngrem angutsü makok. Ibri 12:14
Tanelaren ainbaji jangratemtsü lir. Tanelaren asenok koda aintsü, tali temeshiba akümba aser Tsüngremi mulungba nung tali bendanga agütsüba agi asü ? “Ajangla, nenok mejungia, nenok chir nem sempet tajung agütsütsü metetra, kotak nung aliba nenok Tebui Pa dang meshirtem nem sempet tajung koda tali magütsütsü?” (Matt. 7:11). Pa O ajanga Tanelai mapa inyaker. Anogo shia asenoki Tsüngremer tebilemba aser ochi agi asenok mapa azüoktsü asoshi asenoki Tsüngrem O nung anogo shia shisadanga alitsüla.
Tsüngrem taochi nung asenok alir aser tanela nung ainer. Asenoki melamela tangar asoshi sarasademtsür, melamela taidok agütsür aser asenok temulung tali tesünep alir. Asenoki sen indang tali mebilemer, shisabulu ajema akümer aser tali tenüngsang agütsür. Tenük merem masür, obangtsung ajema akümer (less critical) aser tali tangatetba akümer. Teyimla makai akümba ajemer aser tali tepela akümer. Asenok kechi akümtsüla keni kodanga aji makümer, saka renloka akümer. Asen ajaki tamang aji ashitsü akok, “Osangtajung ajanga Khrista Tanelai mapa inyakba ajanga, ni tang kechi lir iba dang nungi tajungba akümtsü.”
Taküm aliba Tsüngrem Tanela, ozü Kibur asüba aser shia aruba nung tamang agütsüba asoshi Ne tenüng asanger. Temeshiba atema merangtsü onok dang yariang. Amen.