Süngdong ka asoshi teimla lir : Aji lensükra, ano meitsü aser iba süngsem masütsü (Yob 14:7).
Azüa aliba tzütok kata Pai mesükdangtsü, aser mokozü lunga runga aliba lisü kata Pai meremseptsütsü: ochi nung Pai obendang adokdaktsütsü (Isa. 42:3). Pai kü nela süngzükdaktsür: Pai ni temeshi lemang nung Pa nüng atema anir (T.Ken 23:3). Kechiyong Tsüngremi mulungba amato jashidaktsübai tanaben mesasatsüsa, tekümtet asoshi temulung meyipdaktsür. Saka alima tejashibai tasüba adokdaktsür (2 Korint 7:10). Temerenshi ajak atongba mapang nung tepelatsü masü, saka tejashitsü mesüker; aji saka tesülen, shiri aji agi azüoka arur parnok asoshi temeshiba tesünep tejang tangtsür (Ibri 12:11)>
Ni timtem agi metongi alidang ni aibilena ao; saka tangbo ni Ne O benshir (T.Ken 119:67). Tang ozüng tamajung mapa aser tai tulu asoshi ya ajak onok madaki aruakasa, Na ozü Tsüngrem, ozü tai dak alangba dang nungi tajemba agi onok merenshi, aser iba amai tanüngba onok nem agütsü nungji (Ez.9:13).
Ni anema tepelatep, O kü tsükchirtem, ni laoka, ni noktaktsü; ni tammang nung menaka, Kibuba ni asoshi tesangwa alitsü. Pai kü O mebendang tashi aser ni asoshi ochiba arema abentsü, kechiaser ni Pa anema temenen mena: Pai ni sangwadaki anitettsü, aser ni Pa tekümzüktsü angutsü (Mika 7:8,9).
O Kibuba, Ne tekümtet tesangwa asoshi Ne tenüng asanger. Ni iba tesangwa nungi pilaa maotsü yariang. Amen.
You must be logged in to post a comment Login