Temulung meyipba

Kechiyong Tsüngremi mulungba amato jashidaktsübai tanaben mesasatsüsa, tekümtet asoshi temulung meyipdaktsür (2 Kor. 7:10).
Asenoki asen temenen nangzükra, asenok dang asen temenen atoktsü aser memeshiba ajak nungi asenok metsükdaktsütsü, Pa temulung lemtetba aser temeshi lir (1 Yn. 1:9).
Saka Pa koda tesangwa nung lir, aji oda asenoki tesangwa nung jajara, ajangla, asenok medemer o medemer na telungjem kar, aser Pa chir Yisu zü agi temenen ajak merükdaktsür (1 Yn. 1:7).
Kechiaser mezüngdangtet tamajung agi ni meketbangogo. Kü tai agi menepogo, anungji ni roka asoa mereprangtet: parnok kü kolak ku dang nungia timba, aser kü mulungjang makai kümogo. O Kibuba, yimlibilema ni kümzükang: O Kibuba, ni yaritsü ilungdang (T.Ken 40:12,13).
Anungji na ne Tsüngrem dangi meyipang, temeim aser ochi benshiang aser ne Tsüngrem madang maneni ataa liang (Hosea 11:6).
Temulung teraksaji Tsüngrem tenla lir: O Tsüngrem, temulung meyipba Nai mezüngmeshi masütsü (T.Ken 51:17). Pai temulungjang teraksa anebtsür, aser parnok zübu alentsür (T.Ken 147:3). O nisung, kechi tajung Pai ne dang sayuogo; aser ochishiba inyaktsü aser yimlibilem meimtsü, aser ne Tsüngrem den ajemalua jajatsüba dak alema ano Kibubai na nungi kechi akanger? (Mika 6:8).
Kibuba Yisu, ni kü menen nungi temulung meyiptsüsa Ne O bilemtetdakjangma. Amen.