Temulunger tenla, koma asütsü !

– S. T. Yapang. Lkr. Kohima.

Tir Yimyim November 1, 2016 olemsabang aser ano osangkaket balala nung adokba ama Imtimenla küm 14, class 7 Corner Stone Higher Secondary School, Dimapur nung zünga lia tashitak tulu agi menep nung June tatemlen nungi school-i motettsüsa aküm. La tang Brain tumor operation agitsüba sen lakh 10 shi nüngdaker, saka Nov 7 tashi nung temulungeri agütsüba aser pari bushitepba senji lakh 3 shi lir ta ashir, aikati mulungsoa tenla jenti agütsüdaki kanga junger aser ano tali ajungmesoa Kibok Sensaksem ngutepkaket telok (facebook group) ajanga temulunger tenla bendener.
Temulunger tenla agütsütsü mesüra bendentsü ya temela masü, saka ya mepaitoktetba maparen ka ajuruogo. 2014 July nunga ‘Kibok Sensaksem’ (Tamalen Alokba o Lili Na Sensaksem ta liasü) telok o Ao Confession Zone nati Omentiba asoshi temulunger tenla bendendanga shirnokisa pei akokba mulungsoa agütsüogo kanga pelar ano maneni tanga ibai sarutsüsa aküm nungji temulungeri akokba tashi yaritepdaktsünür. ‘Kibok Sensaksem’ telok asoshi ibai tatemsa buba temulunger tenla bendenba alitsü, tarutsü nungbo telok sasa dang inyaktsü. Temulungertemi item tesemtem mesüra külem tayongertem nem Nov 14 tashi nung agütsütsü akoktsü:
1. Mokokchung: Eastern Book Depot (ABAM book stall)
2. Changtongya town: New Bookland A.M. Road Changtongya town/ Sünep Lkr 9612432375.
3. Dimapur: OYIM, Opposite Christian Higher Secondary School/ 9856051149 Aka Aier 9615089471 Burma Camp/ Asen Walling 9402992572.
4. Kohima: Woodland Handicraft Unit, Opp State Library, P.R. Hills/ Odi Jr 9089069800.
5. Mesüra kibur senki nung inoktsütsü akok:
A/C No- 810201011005539
Bank : Vijaya Bank
S. Asenla Jamir
IFSC Coode: 008102.