Temulungjang tashitak nokdangtsü asoshi temetettsü kar

Temulungjang tashitak (cardiovascular diseases) ya meimchir taküm jenti samatsüba timtem ka amai kümogo.
Iba tashidak ya azü nungi aruba mesüra tain kümer adokba tem kangabo menokdangteter, ajisüaka pei kümdanga aliba ajanga iba timtem nungi jenbua litettsü.
Temulungjang tashidak nungi jenbua alitsü temetettsü kar yamai:-
# Temang nung teyari agütsüba chiyungtsü achitsüla. Süngjanglijang aser süngolemba achiba ajanga temulungjang tashidak nokdanger.
# Exercise teti agiba ajanga iba tashidak nokdanger. Exercise ajanga temulungjang nung dang masü saka temang shilem tanga nunga teyari agütsür. Anogo nung tajemba agi minute 30 bosa exercise agitsü nüngdaker.
# Junga amoa oa mejangtsüla. Anogo nung ghonda 7 mesüra 8 bosa mejangtsüla kechiba süra junga memejangba ajanga high blood pressure adokdaktsür, temang chizükdaktsü aser temulungjang nung timtem agütsür. Anogo shi mapang kasa nung mejanger sakba ajanga junga amoa otettsü.
# Moko machitsüla. Cigarette achiba aser tebang nung moko anembaji temang asoshi kanga majung lir. Temulungjang tashi ita lidaktsünera moko machitsüla.
# Temang teti tendanga alitsü nüngdaker. Temalen shia aliba den külemi mapang shia doctor dangi oa blood pressure, cholesterol levels, diabetes aser temulungjang tendangtsü nüngdaker.
(Source – Internet)