Tenangzüktep tasü ka meyipa mereprangshitsü : JCC

Dimapur, February 10 (TYO) : Home Minister Y Patton-i January 30 tenangzüktep indang osang metetdaktsüba atema JCC-i ashiba agi, senden nung tetsür nem shilem 33 lemzükja ULB elections agitsü indang mejembi saka kin hohotem den tetsür nem shilem lemzüktsüba indang onük jembiteptsü aser iba osang sorkar nem sangoktsütsü atema ita ana agütsütsü atema ang olemtep.
JCC-i tetsür nem shilem 33 lemzükja ULB elections agitsü mulunga agizük ta Home minister-i ashibaji, public mashileni anitsü atema pai bilemba ka jembiba dang lir, ta JCC-isa ashi.
NBCC-i acha-ayanga State Sorkar aser JCC tsüngda tenangzüktep agibaji azütokshi melidaktsütsü atema liasü saka tia maka ghonda 24 tsüngda tenangzüktep rasakba ajanga nisung taküm asem tashi laluogo, ta JCC-isa metetdaktsü.
State sorkari iba tenangzüktep nungsa ametdi ta süra, tamasa sorkari IRB-i kahsetba nisung asem tanaben shia arudaktsütsüla, kechiyong koma südir süaka tenangzüktep tasü ka (January 30) meyipa reprangshitsü nüngdak madoker, ta JCC-isa ashi.
JCC convenor-isa ashiba agi, takhangba ama mapa meinyakra taruba Hombar nungi mapang telatet makai mokdangtsü.