Tendulkar-i Coldplay tekok indang guitar ka bat agi melentep

Mumbai, November 20 (Agencies): Taoba mapang cricket asayar nüngtugu, Sachin Tendulkar aser Global Citizen Festival Of India 2016 nung adentsü atema tang Mumbai-i arua alisang Coldplay telok nung kentener, Chris Martin nati Shri Gadge Maharaja Vidyalay semdanga kaketshirtem den ajurutep.
Tendulkar-i Martin den bat agi guitar ka melentepa liasü. Tendulkar-i guitar ji atemtsü merang aser aser Martin-ia cricket asaya ka nung tanurtem atema batsman asayatsü.
Maharahtra State Minister Poonam Mahajan aser Global Citizen indang CEO, Hugh Evans nati Tendulkar aser Coldplay nung tongti kentener, Martin na metetpelatsü.
Honibarnü Mumbai nung aliba MMRDA grounds nung tang India nung mezüngbuba Global Citizen Festival nung shilem agirtem rongnung Coldplay densema liasü.
Global Citizen India-i The Global Education & Leadership Foundation den senteper arishi küm 5 nungi 15 kaketshir 600 atema sempettem agütsü. Ano külen IT company- HP-ia tanurtem atema school nem laptops trok tenla agütsü.