Tenem nung aliba states nem LPG maongka agütsütsü

New Delhi, September 01 (Agencies): Petroleum & Natural Gas Ministry-i, North-East State tem densema tenem nung aliba state tem nem Pradhan Mantri Ujjwala Yojana scheme kübok tajangzüktem agütsütsü, ta metetdaktsüogo.
Ministry-i item state temji ‘tongtibang state tem’ ta züngshia temsüa alirtem nem LPG connection angati agütsütsü.
Ministry-i iba mera agiba ajanga Jammu & Kashmir, Himachal Pradesh, Uttarakhand, Sikkim, Assam, Nagaland, Manipur, Mizoram, Arunachal Pradesh, Meghalaya aser Tripura nung alir sensakertemi sorochokba LPG connection angati angutsü.
Pradhan Mantri Ujjwala Yojana nükjidong ya BPL kibongtem nem LPG connections angati agütsütsü atema lir. Iba scheme kübok tang tashi nung kibong lakh 50 dak tema nem angati LPG connection agitsüogo.