Tenemtsüng lenmang Doyang apu 50% renemogo

Dimapur, Oct.17 (TYO) : Tang tashi nung Nagaland Foot Hill Road Co-Ordination Committee ajanga tenemtsüng lenmang yangluba maparen kanga junga repranga inyakdaktsüdagi aser iba lenmang nung Doyang apu mapaa joko tesadang kabo renemogo ta tanü sangdong ka nung NFHRCC convenor Wb.Supu Jamiri metetdaktsüogo.
Iba Doyang apu ya renemer külenbo Nagaland nung iba apu ya apu talangtiba asütsü ta angazüker. Joko, tenemtsüng lenmang ya tangjema inyaka odagi aser mapang tatsüka tsüngda gari senzütettsü imlar. Iba mapa tekaratiba nung takok ngua renemtettsü atema NFHRCC purtemi yimten yimsüsürtem den akok tashi shisalemsatepa inyakdagi.