Tening jila merekmeju tenzükogo

Dimapur, Rongchii/April 5 (TYO): Tening aser Nsong jila kübok bank, mozüki, police station, jana bendendak aser kilentsü merektet tenzükogo. Sprayer den disinfectant tem ta SDAO (Agri)-i April 1 nü agüja liasü.
Kasa mapang nung Extra Assistant Commissioner Tumben P. Tsanglao-i April 5 nü Azalilong yimtsüng kübok Rani Gaindinliu Gurukulum hostel nung alir kaketshir 19 nem angati chiyongtsü agütsüogo. Parnok rongnung kaketshir pongu Assam nungi aser Nagaland nungi kaketshir ana liasü.