Tening nung 83 buba NBCC lokti senden takok ngua tembangogo

Tening, Tsüklai/February 04 (TYO): January 30 nungi February 2, 2020 tashi Liangmai Baptist Association Mission Centre, Tening nung Liangmai Baptist Association (LBA)-i ayongzüka Nagaland Baptist Church Council (NBCC) 83buba lokti senden ‘Stronger together’ omen nung ajemdaker agiogo, ta Rutmakbo Media Cell LBA-i sangdong ka ajanga metetdaktsü.
Iba senden nung o jembirtem aser tekülem sentong nung o jembirtemji- Rev, Dr. Hukashe Zhimomi president NBCC, Dr, Niholi H. Shohe, Principal, Into Theological College, Zunheboto. Rev, Dr, Zelhou Keyho, General Secretary NBCC. Rev, Dr. Elyngkiebe Zeliang HoD, Peace Studies, Martin Luther Christian University, Shillong nunger liasü.
Focus Groups nung o jembirtemji Rev, Maongkaba Lemtur, Mission Mobilizer, World Evangelization for Christ. Mr, Zuchonthung Ovung, Associate Pastor, Kohima Lotha Baptist Church, Dr, Hovithal Sothu, Project Director, TaFMA, Government of Nagaland aser Rev, Phomlee Van, Pastor, Kohima Phom Baptist Church nunger liasü.
Tekülem sentong nung o jembirtemi ‘Stronger together’ omen nung ajemdaker jembi.
Temelung lemtettsü kuliji Longjemer inyakba nung lir, aser telongjem nungji kija shiai Tsüngrem atema inyakba lir, ta o jembirtemji ashi.
O jembirtemjisa, Tsüngrem sentsüwangshi atema amshitsü asoshi asenok ajak dak sempet lir; Khristar yimli yangerdaktsütsü asoshi Tsüngrem chirtem longjemer inyaktsüla, ta ashi.
Mapa tila süaka tulu süaka mapa ajakji tongtibang, aser iba atemaji asenok ajak teyari nüngdaker, ta parnokisa ayongzük.
Mapa ajakji tongtibang aser Tsüngrem sentsüwanghi atema asenoki pei dak aketba sempet amshitsüla; kodak yimli külemi yangerba temaitsüji telongjem lir, ta parnokisa ashi.
Lokti senden nung NBCC-isa state chaplain nungi anisüngzüker, Rev, Kuzierang Thou aser Finance And Property Secretary, NBCC Rev, T.W. Yamyap na den tepila sentong agia liasü.
NBCC-isa Rev, Dr, Zelhou Keyho, General Secretary, Rev, Noksa Chiu, Secretary, Finance & Property, Miss, Visadieu Dilie, Secretary, Women, Rev, Amop Noklang, state Chaplain aser Msotemsu Walling principal, Christian Higher Secondary School Dimapur nunger installation service agia liasü.
Liangmai Baptist Association Executive Secretary Rev, Kitanwi Chawang-i iba senden nung longsoa adenba aser takok ngua katetba atema NBCC staff aser Association balala nungi tejaokertem dang pelaba lemsatep.
PHOTO CAPTION :- February 2, 2020 nü Liangmai Baptist Association Mission Centre, Tening nung Nagaland Baptist Church Council (NBCC) 83buba lokti senden nung NBCC staff tem aser Association balala nungi tejaokertem külemi tangokba noksa nung angur.