Tening nung Inter School Sports asayamung asayaogo

Dimapur, Metsüremi/March 16 (TYO): Beti Bachao Beti Padhao kübok “Empowerment of Girl child through Sports” omen nung ajemdaker Tening nung March 14 nü Inter School Sports asayamung ka asayaogo.
ADC Rhosietho Nguori-i o jembiba mapang tetsürtem nem tashi tali agütsütsüba dak rangloker jembi aser nüburtem dang kasa maongka jangradema agitsü ajungshi.
Girls SFS School, Zeliangrong Heraka School aser Baptist School nungeri mezüngbuba, tanabuba aser tasembuba jenjang angu. Boys Zeliangrong Heraka School mezüngbuba jenjang nung liasü aser SFS School aser Baptist High School na tanabuba aser tasembuba jenjang nung liasü. Asayamung nung Zeliangrong Heraka School nungi Mikhonwi nem asayar tajungtiba naroküm agütsü.
Kasa mapang nung ADC lenisüba kübok asayartem tenangzüktepba agi. Tumben P. Tsanglao, EAC-i asayamung indang okila jembi aser LBA Executive Secretary Kitanwi-i takok angurtem nem sempet lemtsü koba Rhosietho Nguori, ADC-i sponsor süa liasü.