Tening nung SDEO Office semzüktsü

Dimapur, Tsüklai/February 12 (TYO): School Education, Government of Nagaland Advisor K. Tokugha Sukhalu, IAS-i February 8, 2019 nü Tening jila nung EBRC Building nung Sub Divisional Education Officer (SDEO) office ka semzüktsüogo.
Office semzüktsüba sentong nung o jembidang K. Tokugha Sukhalu-i tesayurtem dang parnok mapa nendaka inyaktsü ayongzük. Paisa tang semzüktsüba SDEO office atema supporting staff tem yakta shima yoktsü, ta metetdaktsü.
Water Resource Development, Advisor, Namri Nchang-i nüburtem dang iba office kanga junga anepalutsü asoshi mepeshiba den iba mapa tajung asoshi Chief Minister, Advisor aser Director of School Education dang pelaba lemsatep.
School Education, Director Wonthungo Tsopoe den department nungi ketdangsertem, Tening, Additional Deputy Commissioner, Chubatemjen, retired Additional Chief Secretary aser Commissioner, Government of Nagaland H.K. Khulu, IAS nungera iba sentong nung arua aden.
Office tasenba semzükba sentong ya Tening, SDEO Earnest Zeliang linüsüba kübok aka aser Baptist High School nungi kaketshirtemi ken tajung ka aden, ta sorkar sangdong ka ajanga metetdaktsü.