Tening nung World Aids Day sentong den angati Medical camp ka agi

Tening, Luchii/December 01 (TYO): World Aids Day anogomong amongba den iba anogomong nüngtem nung December 1, 2018 nü Peren district kübok Tening nung district administration aser Primary Health Centre (PHC) nati senteper, Beti Bachao Beti Padhao kübok angati Medical Camp ka ayongzüka agiogo, ta tanü ketdangsertem osang ka ajanga metetdaktsü.
Iba tashidak indang metetdaktsütsü, nokdangtsü aser HIV treatment agutsüba indang awareness agutsütsü nükjidong nung World Aids Day mongogo; ano kibong nung aser lokti nung tetsür chanu ka temang anema alitsüji kanga tongtibang, ta tangatetba nung angati Medical Camp ayonga agi, ta kasa osang ajanga metetdaktsü.